19-ամյա վարորդը նվաստացրել էր մեկ այլ վարորդի, բախվել ավտոբուսին․ դատարանի նոր որոշումը

Օրեր առաջ Քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի ավագ քննիչ Շիրազ Խաչատրյանը միջնորդություն է ներկայացրել Երևանի ընդհանուր իրավասության դատարան, որպեսզի դատարանը ևս 2 ամսով երկարաձգի 19-ամյա Վարդան Մ.-ի խափանման միջոց տնային կալանքը։

Ինչպես հայտնում է SHAMSHYAN.com-ը, դատավորը դռնփակ դատական նիստն անցկացնելուց, ապա խորհրդակցական սենյակից վերադառնալով՝ մերժել է քննիչի միջնորդությունը և Վարդան Մ.-ի նկատմամբ կիրառել է վարչական վերահսկողություն և համացանցից օգտվելու սահմանափակումներ։

Հիշեցնենք՝ տրանսպորտային միջոցներ վարելու իրավունքը կասեցված տղայի նկատմամբ ավելի վաղ որպես խափանման միջոց էր կիրառվել տնային կալանքը՝ երկու ամիս ժամկետով։