Ուկրաինան նախատեսում է այս ամռանը կամ աշնանը սկսել 4 նոր միջուկային էներգիայի ռեակտորների շինարարական աշխատանքները: Այս մասին, Reuters–ի փոխանցմամբ, լրատվամիջոցին ասել է Ուկրաինայի էներգետիկայի նախարար Գերման Գալուշչենկոն

Նա նշել է, թե երկիրը ձգտում է կոմպենսացնել Ռուսաստանի հետ պատերազմի պատճառով կորցրած էներգետիկ հզորությունը։

Ագրեգատներից երկուսը, որոնք ներառում են ռեակտորներ և դրա հետ կապված սարքավորումներ, հիմնված կլինեն ռուսական արտադրության սարքավորումների վրա, որոնք Ուկրաինան ցանկանում է ներկրել Բուլղարիայից: Մյուսները կօգտագործեն էլեկտրաէներգետիկ սարքավորումներ արտադրող Westinghouse ընկերության արևմտյան տեխնոլոգիաները: