Նավթի գները նվազել են
Երկուշաբթի երեկոյան նավթի գները սկսել են նվազել ԱՄՆ դոլարի ամրապնդման ֆոնին։ Այս մասին գրում է Интерфакс–ը:
Մոսկվայի ժամանակով ժամը 18:17-ի(Երևանի ժամանակով՝ 19:17) դրությամբ Brent-ի մարտյան ֆյուչերսները Լոնդոնի ICE Futures բորսայում էժանացել են 1,27 դոլարով (1,52%)՝ հասնելով 82,28 դոլարի՝ մեկ բարելի դիմաց։ Այս պահին WTI-ի մարտյան ֆյուչերսները NYMEX բորսայում էժանացել են 1,26 դոլարով (1,62%)՝ հասնելով 76,75 դոլարի՝ մեկ բարելի դիմաց։
DXY ինդեքսը, որն արտացոլում է ԱՄՆ դոլարի արժեքը համաշխարհային վեց հիմնական արժույթների նկատմամբ, երկուշաբթի օրը կայացած սակարկությունների ընթացքում աճել է 0,3%-ով, ինչը նվազեցնում է ամերիկյան արժույթով գնանշվող ապրանքների գրավչությունը։
