Ուկրաինայի զինված ուժերի զինվորները բողոքում են ռուսական դրոնների ամենօրյա հարձակումներից և հզոր ՌԷՊ (Ռադիոէլեկտրոնային պատերազմ) համակարգերից, որոնք ճնշում են ուկրաինական անօդաչու թռչող սարքերը, ինչպես նաև առաջնագծում առկա ծանր պայմաններից։ Այս մասին ասել է CNN-ի լրագրող Նիք Ուոլշը, ով ժամանել է Ուկրաինա: Տեղեկությունը փոխանցում է ՌԻԱ Նովոստին։

«Քառասուն ռուսական դրոններ ամեն օր հարձակվում են ուկրաինական խրամատների վրա։  Մարտկոցներն արագ նստում են ցրտին, ռուսական ՌԷՊ-ը նույնպես խլացնում է դրոնները»,- նշել է նա ռեպորտաժում։

Ուկրաինացի զինվորականները լրագրողի հետ զրույցում խոստովանել են, որ լուրջ կորուստներ են կրում և արդեն մարտական ոգին նվազում է:

«Հակահարձակումը կոչված էր այս ամռանը ռուսներին հետ մղել դեպի ծով։ Բայց այժմ այստեղ է տիրում կեղտ, մահ, փակուղի և հիշեցումներ ամերիկյան օգնության նվազման մասին: Բոլորովին այլ տրամադրություն է. ամեն ինչ տխուր է: Հուսահատության զգացում, անկեղծ ասած: Նախկինում նրանք (Ուկրաինայի զինված ուժերը) չէին խոսում պարտության մասին, բայց, կարծես, ամեն ինչ դրան է տանում»,- ամփոփել է լրագրողը։