12 ժամը մեկ Կարմիր ծովում գրոհներ կլինեն առևտրային նավերի ուղղությամբ
Եմենի «Անսար Ալլա» (հութիներ) ապստամբ շարժման ներկայացուցիչ Մուհամեդ Աբդել Սալամը հայտարարել է Կարմիր ծովի ջրային տարածքում յուրաքանչյուր 12 ժամը մեկ առևտրային նավերի վրա հարձակումներ իրականացնելու մտադրության մասին: Այս մասին նա հայտարարել Է Al Jazeera հեռուստաալիքին տված հարցազրույցում։
Նրա խոսքով՝ «ռազմածովային գործողությունները» ընթանում են ամբողջ թափով։
«Մենք ենթադրում ենք, որ գործողությունները կիրականացվեն առնվազն 12 ժամը մեկ անգամ»,- հայտարարել Է Մուհամեդ Աբդել Սալամը:
Մինչ այդ Պենտագոնի ղեկավար Լլոյդ Օսթինը հայտարարել էր առևտրային ընկերությունների բեռներով քաղաքացիական նավերի վրա հութիների հարձակումներից Կարմիր ծովը պաշտպանելու գործողության մեկնարկի մասին:
Գործողությունը ստացել է «բարգավաճման պահապան» անվանումը։ Դրան կմասնակցեն միանգամից բազմաթիվ պետություններ, այդ թվում՝ Մեծ Բրիտանիան, Ֆրանսիան, Իտալիան, Նիդեռլանդները, Բահրեյնը և Սեյշելյան կղզիները։
«Եմենի հութիների կողմից անխոհեմ հարձակումների վերջին սրումը սպառնում է առեւտրի ազատ շարժմանը, վտանգի տակ է դնում անմեղ նավաստիներին եւ խախտում է միջազգային իրավունքը»,- հայտարարել Է ԱՄՆ պաշտպանության նախարարը:
