ԼՈՒՍԱՆԿԱՐՆԵՐ․ ՑԱԽԱԼ-ը կիսամերկ վիճակում ձերբակալել է տասնյակ տղամարդկանց
Իսրայելցի զինվորականները Գազա քաղաքում ձերբակալել են մի քանի տասնյակ տղամարդկանց՝ ՀԱՄԱՍ շարժման հետ նրանց կապերը ստուգելու համար։ Այս մասին այսօր հայտնել Է իսրայելական Kan ռադիոկայանը: Տեղեկությունը փոխանցում է ՌԻԱ Նովոստին։
Ռադիոկայանը նշում է, որ ստուգվելու է ձերբակալված տղամարդկանց մասնակցությունը ահաբեկչական գործունեությանը:
Սոցիալական ցանցերում տարածված կադրերում երևում են տասնյակ մերկացրած տղամարդիկ, որոնք նստած են գետնին: Նրանց հսկում են իսրայելական բանակի զինվորները։
Ի դեպ Գազայի առողջապահության նախարարությունը թարմացրել է զոհերի մասին իր տվյալները. զոհված պաղեստինցիների թիվը հասել է 17177-ի, վիրավորներինը՝ 46 հազարի։ Վերջին մեկ օրում զոհվել է 350 պաղեստինցի, վիրավորվել՝ 1900-ը, հայտարարել է նախարարության ներկայացուցիչ Աշրաֆ ալ-Քիդրան:
