Պուտինի ռազմավարությունը ցույց է տալիս իր արդյունավետությունը

Ուկրաինայի ճգնաժամի վերաբերյալ Ռուսաստանի նախագահ Վլադիմիր Պուտինի ռազմավարությունն ապացուցում է իր արդյունավետությունը։ Այս մասին գրում է ամերիկյան Hill պարբերականը: Տեղեկությունը փոխանցում է ՌԻԱ Նովոստին։

«Հակամարտության սկսվելուց գրեթե երկու տարի անց Ուկրաինան բախվում է հսկայական խնդիրների, մինչդեռ Վլադիմիր Պուտինի ռազմավարությունը, որն ուղղված է սպասելուն, մինչև արևմտյան դաշնակիցները կոտրվեն, կարծես թե աշխատում է»,- ասվում է նյութում:

Պարբերականը նշում է, որ նույնիսկ ուկրաինացի պաշտոնյաներն են խոստովանում, որ երկար սպասված հակահարձակումը դժվար թե բեկման հանգեցնի։ Միևնույն ժամանակ, Կիևը նույնպես ստիպված է համոզել ավելի ու ավելի թերահավատ Արևմուտքին շարունակել զինել ուկրաինական զորքերը՝ չնայած ռազմաճակատում ակնհայտ փակուղուն: