ՏԵՍԱՆՅՈՒԹ. Բախումներ են տեղի ունեցել Հորդանան գետի Ջենին քաղաքի մոտ

Իսրայելական և պաղեստինյան խմբերը հայտնում են բախումների մասին Հորդանան գետի Ջենին քաղաքի մոտ, ինչպես նաև հարավ-արևմտյան Սիլաթ բնակավայրում: Իսրայելի պաշտպանության բանակը հարձակվելու է ՀԱՄԱՍ-ի վրա ցանկացած շենքում, նույնիսկ հիվանդանոցներում, ինչպես նաև պատրաստ է դիմակայել Մերձավոր Արևելքում երկրի անվտանգությանը սպառնացող ցանկացած սպառնալիքին: Այս մասին հայտարարել է Իսրայելի պաշտպանության բանակի ներկայացուցիչը՝ պատասխանելով Ալ-Շիֆա հիվանդանոցի վրա հարձակման հարցին։ Նրա խոսքը մեջբերում է Haaretz-ը։ 

Դանիել Հագարին ասել է, որ բանակը հարվածելու է «անկլավի ցանկացած վայր, որտեղ ահաբեկիչներ կան»:

Հիշեցնենք` հոկտեմբերի 7-ի առավոտյանԻսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։