12:00 Լուրերը մեկ տողով. Թեժ իրավիճակ ԱԺ-ում. նոր ռազմական դաշինք կկազմվի

Անցած ժամվա լուրերը՝ հակիրճ և բովանդակային.

•ԱԺ-ում իրավիճակը փոքր-ինչ հարթ չի ընթացել՝ պատգամավորի ելույթի և եկեղեցականի մասին հայտարարության պատճառով: Ազգային ժողովի փոխնախագահն արձագանքել է ընդդիմության դժգոհություններին:

•Ամենայն Հայոց Կաթողիկոսի և եպիսկոպոսների մասնակցությամբ դատական նիստի ֆոնին ընդդիմադիրները լքելու են ԱԺ-ն: Բագրատ Սրբազանն էլ քննադատել է Վեհափառի դեմ հարուցված գործը:

•ՀՀ կառավարությունն արձագանքել է Բաքվում պահվող Ռուբեն Վարդանյանի կնոջ դիմումին: ԱԳՆ-ի միջոցով կապ է հաստատվել Վերոնիկա Զոնաբենդի հետ՝ Ադրբեջան մեկնելու նրա մտադրության շուրջ հանդիպում կազմակերպելու համար:

•Քննչական կոմիտեն ավարտել է զոհված զինծառայողների ընտանիքներից խարդախությամբ գումարներ հափշտակելու գործի նախաքննությունը: Հանցավոր խումբը կեղծ աջակցության ծրագրերի անվան տակ տուժողներից յուրացրել է շուրջ 13.8 միլիոն դրամ:

•Ղրղզստանի նախագահը շնորհավորել է ՀՀ վարչապետին և քննարկել երկկողմ տնտեսական կապերի խորացումը: Կողմերը կարևորել են առևտրաշրջանառության ծավալների ընդլայնումն ու համատեղ ներդրումային ծրագրերի իրականացումը:

•ԵԱՏՄ երկրներում գրանցվել է մակրոտնտեսական ցուցանիշների և իրական ՀՆԱ-ի աճ: ՌԴ վարչապետը հայտնել է, որ չնայած համաշխարհային մարտահրավերներին, ավելացել են արդյունաբերության և փոխադարձ առևտրի ծավալները:

•Թուրքիան, Սաուդյան Արաբիան և Պակիստանը պատրաստվում են ռազմական դաշինք կազմել: Համաձայնագիրը նախատեսվում է ստորագրել տարածաշրջանային, այդ թվում՝ Մերձավոր Արևելքի ճգնաժամերը համակարգելու նպատակով: