ԱՄՆ-ը հարձակվել է Սիրիայի արևելքում գտնվող զենքի պահեստի վրա
Պենտագոնի ղեկավար Լլոյդ Օսթինը հայտարարել է, որ ԱՄՆ ռազմաօդային ուժերը հարվածել են Սիրիայի արևելքում գտնվող իրանամետ խմբավորումների զենքի պահեստին՝ ի պատասխան տարածաշրջանում ամերիկյան ուժերի շարունակվող հրթիռակոծման:
Նրա խոսքով՝ հարվածն իրականացրել են երկու F-15 կործանիչ-ռմբակոծիչներ։
Ինչպես հայտնում է РИА Новости-ն, սա արդեն երկրորդ գործողությունն է՝ ի պատասխան Իրաքում և Սիրիայում ամերիկյան զորքերի և բազաների վրա չորս տասնյակ հարձակումների։
Ավելի վաղ սիրիական Դեյր-էզ-Զոր նահանգում գտնվող ռազմաբազայում կրակ էին բացել ամերիկյան զինվորականների վրա։
Պենտագոնը նաև խոստովանել է, որ Եմենի ափերի մոտ հութիների կողմից խոցվել է ամերիկյան MQ-9 Reaper անօդաչու թռչող սարքը։
