Թուրքական F-16 ինքնաթիռները ժամանել են Ադրբեջան՝ մասնակցելու համատեղ զորավարժություններին
Թուրքիայի ռազմաօդային ուժերի F-16 ինքնաթիռները ժամանել են Ադրբեջան՝ մասնակցելու համատեղ զորավարժություններին։ Այս մասին հայտնում է РИА Новости-ն՝ հղում անելով Ադրբեջանի պաշտպանության գերատեսչության մամուլի ծառայությանը։
«Թուրքիայի ռազմաօդային ուժերի F-16 ինքնաթիռները հոկտեմբերի 20-ին ժամանել են Ադրբեջան՝ մասնակցելու Մուստաֆա Քեմալ Աթաթուրք 2023 զորավարժություններին: Հոկտեմբերի 23-25-ին ադրբեջանա-թուրքական համատեղ մարտավարական զորավարժություններ կանցկացվեն մի քանի ուղղություններով, այդ թվում՝ Բաքու քաղաքում, Նախիջեւանի Ինքնավար Հանրապետությունում եւ Ղարաբաղում»,- ասվում է հաղորդագրության մեջ։
Ավելի վաղ Ադրբեջանի նախագահ Իլհամ Ալիևը հայտարարել էր, որ Բաքուն և Անկարան այս տարի 16 համատեղ զորավարժություն կանցկացնեն, որոնց մի մասն արդեն կայացել է։
