Հայտնի է՝ ինչ անուն կկրի Գազայի հատվածում Իսրայելի ցամաքային գործողությունը
Իսրայելի պաշտպանության բանակն ավարտել է Գազայի հատվածում ցամաքային գործողության բոլոր նախապատրաստական աշխատանքները և հայտարարել է դրա պաշտոնական անվանումը՝ «Ջախջախիր և նվաճիր»։ Այս մասին հայտնում է Kp.ru–ն:
Հոկտեմբերի 7-ից Գազայի հատվածում շարունակվող գործողությունը կոչվում է «երկաթե սրեր»։
Իսրայելի պաշտպանության նախարար Յոավ Գալանտը հայտնել է, որ շուտով հրաման կտրվի Գազայի հատվածում ցամաքային գործողություն սկսելու մասին։ Այս մասին նա հայտարարել է Գազայի հետ սահմանին տեղակայված «Գիվատի» բրիգադի զինվորների հետ հանդիպման ժամանակ։
«Հիմա դուք հեռվից եք տեսնում Գազան, շուտով այն կտեսնեք ներսից։ Հրամանը կգա»,- ասել է Գալանտը, ում խոսքերը մեջբերում է The Times of Israel-ը։
Հավելենք, որ Իսրայելի հարձակումների հետևանքով պաղեստինցիների զոհերի թիվը անցել է 3,4 հազարից, ավելի քան 12 հազար մարդ վիրավորվել է։ Այս տվյալները ներկայացնում է Պաղեստինի առողջապահության նախարարությունն իր Telegram ալիքում։
