Փարիզը և Երևանը վաղը կձևակերպեն ֆրանսիական զենքի մասին համաձայնագրեր. Ֆրանսիայի ՊՆ ղեկավար

Ֆրանսիայի պաշտպանության նախարար Սեբաստյան Լեկորնյուն ասել է, որ Փարիզը և Երևանը կիրակի կձևակերպեն ֆրանսիական զենք գնելու մասին համաձայնագրերը, մասնավորապես, հակաօդային պաշտպանության ոլորտում։ Այս մասին գրում է РИА Новости–ն՝ հղում տալով Le Parisien–ին:

«Անհրաժեշտ է թույլ տալ, որ Հայաստանը պաշտպանի իր քաղաքացիական բնակչությանը և ապահովի իր սահմանների պաշտպանությունը։ Վաղը մենք պաշտոնապես կձևակերպենք Հայաստանի կողմից որոշակի քանակությամբ սպառազինությունների ձեռքբերումը ֆրանսիական արտադրողներից, մասնավորապես` պայմանագրի ստորագրմամբ, որը թույլ կտա երկրին ապահովել իր օդային պաշտպանությունը», - ասել է նա։

Հիշեցնենք, որ ոկտեմբերի սկզբին ՀՀ նախագահ Վահագն Խաչատրյանն ասել էր, որ Երևանը ռազմական նոր գործընկերոջ կարիք ունի և Ֆրանսիայի հետ քննարկում է ռազմական օգնություն տրամադրելու հարցը։