ՌԴ ՊՆ–ն Լեռնային Ղարաբաղի հակամարտության գոտում ռուսական խաղաղապահ զորախմբի գործունեության մասին ամենօրյա տեղեկագրում Արցախը նշել է որպես «Ադրբեջանի Հանրապետության Ղարաբաղի տնտեսական շրջան»։ 

«Բաքվի հետ շարունակական փոխգործակցությունը պահպանվում է՝ ուղղված արյունահեղության կանխմանը, անվտանգության ապահովմանը և խաղաղ բնակչության նկատմամբ մարդասիրական իրավունքի պահպանմանը։ Ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել»,– գրված է հաղորդագրության մեջ։ 

Տեղեկագրում Ստեփանակերտը նշվում է որպես Խանքենդի, Մարտակերտը՝ Ագդերե, Մարտունին՝ Խոջավենդ, Շուշին՝ Շուշա, իսկ Իվանյանը՝ Խոջալու:

«Ճանապարհների երկայնքով երթևեկության անվտանգությունն ապահովելու նպատակով տեղադրվել է վեց հենակետ, այդ թվում՝ երկուսը ադրբեջանական կողմի հետ համատեղ»,– գրված է հաղորդագրության մեջ։