Խոշոր վթար Պերուում․ մարդատար ավտոբուսն ընկել է ժայռից․ կան զոհեր և վիրավորներ
Պերուի հյուսիս-արևմուտքում մարդատար ավտոբուսի մասնակցությամբ մահացու վթար է տեղի ունեցել.
Հուարմակա թաղամասում ավտոբուսն ընկել է ժայռից, հայտնում է RPP ռադիոկայանը: Ենթադրվում է, որ ողբերգության պատճառը ավտոբուսի վարորդի սխալն է եղել։ Այդ կապակցությամբ փորձագետները հետաքննություն են սկսել։
Վթարը խլել է 15 մարդու կյանք, ավելի քան 20-ը վիրավորվել են, իսկ ավտոբուսում վթարի պահին ընդհանուր առմամբ 50 ուղեւոր է եղել։
Դեպքի վայրում փրկարարները որոնում են ավտոբուսում հնարավոր արգելափակված անձանց։
