ՖԻՖԱ-ն եզրափակչից առաջ չի պատժի արգենտինացի ֆուտբոլիստներին

ՖԻՖԱ-ն չի պատժի արգենտինացի ֆուտբոլիստներին իրենց քաղաքական պաստառի համար մինչև 2026 թվականի Աշխարհի առաջնության ավարտը, հայտնում է Cope ռադիոկայանը։

Դեպքի կապակցությամբ կարգապահական գործ կհարուցվի, սակայն որոշումը կկայացվի հուլիսի 19-ին Իսպանիայի դեմ Աշխարհի առաջնության եզրափակիչ խաղից հետո։

Հիշեցնենք` Աշխարհի առաջնության եզրափակիչի ուղեգիր նվաճելուց հետո Արգենտինայի հավաքականի ֆուտբոլիստները որոշել են ևս մեկ ուղերձ հղել Անգլիային, որին կիսաեզրափակիչում հաղթել էին 2։1 հաշվով։ Մարզաշապիկները հանած՝ նրանք խաղադաշտում ցուցադրել են «Las Malvinas son Argentinas»՝ «Մալվինյան կղզիներն Արգենտինայինն են» գրությամբ պաստառը։  Ֆոլկլենդյան կղզիները երկար տարիներ Միացյալ Թագավորության և Արգենտինայի միջև վեճի առարկա են։