ԱՄՆ-ը ծրագրում է գլխավորել Վենեսուելայի վերականգնումը. ABC

Ամերիկայի Միացյալ Նահանգները մշակում է Վենեսուելայի անցումային փուլի ծրագիր, որը կմիավորի հունիսի 24-ի երկրաշարժերից հետո երկրի վերականգնումը ժողովրդավարական ընտրությունների նախապատրաստման հետ։

Դեռևս չհաստատված նախագծով նախատեսվում է ներգրավել ամերիկյան անձնակազմից շուրջ 3000 մարդ և հատկացնել գրեթե 3 միլիարդ դոլարի նախնական ֆինանսավորում։ Ծրագրի հիմնական շեշտադրումը լինելու է ենթակառուցվածքների վերակառուցումը և օգնության համակարգումը, այլ ոչ թե ռազմական օկուպացիան։ 

Ամերիկացի ինժեներներն ու քաղաքացիական փորձագետները կաջակցեն ճանապարհների, նավահանգիստների, էներգահամակարգերի, ջրամատակարարման և կոմունալ ծառայությունների վերականգնման հարցում։ Վաշինգտոնը դիտարկում է ժամանակավոր վերահսկիչ վարչակազմ ստեղծելու տարբերակը, որը կղեկավարի վերականգնողական գործընթացը և թույլ չի տա, որ չավիստների ինստիտուտները լիովին վերահսկեն անցումային շրջանը։ Պլանը չի ենթադրում Վենեսուելայի բռնակցում, սակայն ԱՄՆ-ին կվերապահի կենտրոնական դերակատարում երկրի վերակառուցման վերահսկողության գործում։