Հայկական ֆուտբոլի պատմական շանսը. բոլոր թիմերը երկրորդ փուլում են

Եվրոպական գավաթների խաղարկություններում Հայաստանը ներկայացնող բոլոր ակումբները դեռևս շարունակում են իրենց ելույթները, իսկ հաջորդ շաբաթ արդեն կտրվի որակավորման երկրորդ փուլի մեկնարկը։

Չեմպիոնների լիգայում Հայաստանի չեմպիոն «Արարատ-Արմենիան» որակավորման երկրորդ փուլի շրջանակում ուժերը կչափի իռլանդական «Շեմրոկ Ռովերսի» հետ. թիմերի առաջին մրցավեճը կանցկացվի հուլիսի 21-ին Երևանում, իսկ պատասխան հանդիպումը՝ հուլիսի 28-ին Իռլանդիայում։

Կոնֆերենցիաների լիգայում Հայաստանի փոխչեմպիոն «Նոան» ելույթները կսկսի հենց երկրորդ փուլից՝ մրցելով մոլդովական «Զիմբրուի» դեմ, որտեղ առաջին խաղը տեղի կունենա հուլիսի 23-ին մրցակցի դաշտում, իսկ պատասխան պատասխան հանդիպումը՝ հուլիսի 30-ին Հայաստանում։ «Փյունիկը» նույն փուլում կխաղա հունգարական «Դեբրեցենի» հետ՝ առաջին հանդիպումն անցկացնելով հուլիսի 23-ին հյուրընկալվելիս, իսկ երկրորդը՝ հուլիսի 30-ին սեփական հարկի տակ։ Որակավորման երկրորդ փուլ անցած «Ալաշկերտն» էլ կմրցի ռումինական «Կլուժի» դեմ. առաջին հանդիպումը կայանալու է հուլիսի 23-ին Երևանում, իսկ պատասխան խաղը՝ հուլիսի 30-ին Ռումինիայում։