Արհեստական բանականությունն արդեն ընտրել է աշխարհի չեմպիոնին

Opta սուպերհամակարգիչը ներկայացրել է Արգենտինայի և Իսպանիայի ընտրանիների հաղթելու հավանականությունը Աշխարհի 2026 թվականի առաջնության վերջին խաղում։

Արհեստական բանականությունը փոքր առավելություն է տեսնում իսպանացիների կողմը՝ նրանց հաջողությունը գնահատելով 56,31 տոկոս, մինչդեռ արգենտինացիների հաղթելու հնարավորությունը 43,69 տոկոս է։ 

Կիսաեզրափակիչ փուլում Իսպանիան 2-0 հաշվով հաղթել է Ֆրանսիայի հավաքականին, իսկ Արգենտինայի թիմը 2-1 հաշվով պարտության է մատնել Անգլիայի ընտրանուն։ Հարկ է նշել նաև, որ երկար ժամանակ առաջնության առաջատար ֆավորիտը համարվում էին ֆրանսիացիները։ 

Աշխարհի 2026 թվականի առաջնության եզրափակիչ հանդիպումը տեղի կունենա հուլիսի 19-ին Նյու Յորքում։ Ավելի վաղ մամուլում լուրեր էին տարածվել, որ վճռորոշ խաղի կիսախաղերի միջև ընդմիջումը համերգային և ժամանցային ծրագրի պատճառով կարող է երկարաձգվել մինչև 30 րոպե։