Դուբայում հերքել են Դաունթաունում պայթյունների մասին լուրը

Դուբայ էմիրության ղեկավարությունը հերքել է Reuters լրատվական գործակալության տարածած այն լուրը, թե իբր Դաունթաուն թաղամասում պայթյունների ձայներ են լսվել։

Էմիրության կառավարության մամուլի ծառայությունը հայտնել է, որ Reuters-ի հաղորդած տեղեկատվությունը Դաունթաուն շրջանում որոտացած պայթյունների վերաբերյալ սուտ է։

 «Դուբայի կառավարության մամուլի ծառայությունը հաստատում է, որ Reuters-ի հաղորդումը Դաունթաուն շրջանում տեղի ունեցած պայթյունների մասին չի համապատասխանում իրականությանը»,- նշվում է հայտարարության մեջ։ Իշխանությունները հորդորել են քաղաքացիներին ու զանգվածային լրատվամիջոցներին՝ հավաստի տեղեկություններ ստանալու նպատակով վստահել բացառապես պաշտոնական աղբյուրներին և զերծ մնալ ասեկոսեներ տարածելուց։ 

Մինչ այս Reuters գործակալությունը, վկայակոչելով ականատեսներին, տեղեկացրել էր, որ Դուբայի Դաունթաուն շրջանում պայթյուններ են լսվել։