Ձերբակալել են Քիշնևի օդանավակայանում կրակ բացած տղամարդուն
Մոլդովայի մայրաքաղաք Քիշնևում ձերբակալել են օդանավակայանում կրակ բացած տղամարդուն։ Այս մասին հայտնել է երկրի ՆԳՆ-ն։
«Ոստիկանության ջանքերի շնորհիվ հաջողվել է չեզոքացնել ագրեսորին, որը կրակ է բացել Քիշնևի օդանավակայանում։ Տվյալ պահին վտանգ չկա։ Հարձակում գործած անձը վնասվածք է ստացել, նրան բուժօգնություն է ցուցաբերվում», - նշվում է հաղորդագրության մեջ։
Ավելի վաղ հաղորդվել էր, որ անհայտ անձը կրակ է բացել Քիշնևի օդանավակայանում, ուղևորներին տարհանել են, ավիահաղորդակցությունը ժամանակավոր կասեցվել է։ Երկրի ՆԳՆ տվյալներով՝ կրակ է բացել մի օտարերկրացի, ում մուտքը երկիր արգելվել է։ Կրակոցների հետևանքով երկու զոհ կա։
