Կրասնոյարսկում փոթորկի հետևանքով տանիքը փլուզվել է տղամարդու վրա․ վերջինս մահացել է
ՌԴ Կրասնոյարսկի երկրամասում փոթորկի ժամանակ տղամարդ է մահացել։ Ինչպես հայտնում է RTVI-ը՝ տանիքի բեկորն ընկել է նրա վրա։
Միջադեպը տեղի է ունեցել Բոգոտոլ քաղաքում։ Ռուսաստանի Կրասնոյարսկի երկրամասի և Խակասիայի քննչական կոմիտեի տվյալներով՝ երեքշաբթի կեսօրին ուժգին քամին պոկել է բնակելի շենքի տանիքի բեկորը, ինչի հետևանքով կառույցը փլուզվել է 38-ամյա տղամարդու վրա։
Տուժածին տեղափոխել են հիվանդանոց, սակայն նրան փրկել չի հաջողվել։ Տղամարդու մահվան փաստով հետաքննություն է տարվում։
