Վանաձորում գտել են ալրաղացի տնօրենի դին․ ԶԼՄ
Վանաձորում «Թալգրիգ» ՍՊԸ-ին պատկանող ալրաղացում գտել են ալրաղացի գործադիր տնօրենի դին` հրազենային վնասվածքով։ Գրում է shamshyan.com-ը։
45 -ամյա Ա. Մ.-ի դին հայտնաբերվել է Ford Transit մակնիշի ավտոմեքենայում։
«Դատաբժշկի նախնական եզրակացության համաձայն՝ նա մահացել է կրակոցից և մարմնի տակ հայտնաբերվել է նաև հրազեն: Ըստ նախնական տեղեկությունների՝ Ա. Մ.-ն ինքնասպանություն է գործել»,-գրում է կայքը։
Նշվում է, որ դեպքի փաստով Լոռու մարզային քննչական վարչությունում նախաձեռնվել է քրեական վարույթ:
