Արարատի մարզում բախվել են BMW X5-ն ու 2 Mercedes-ներ. 4 վիրավորները երեխաներ են
Խոշոր ավտովթար Արարատի մարզում։ Այս մասին հայտնում է shamshyan.com-ը։ Երեկ՝ հունիսի 11-ին ժամը 23։20-ի սահմաններում Երևան-Երասխ ավտոճանապարհի 31 կն հատվածում բախվել են Արարատի մարզի բնակիչներ 74-ամյա Վանիկ Ա․-ի վարած BMW X5 մակնիշի, 24-ամյա Արթուր Մ.-ի վարած Mercedes C180 մակնիշի և 27-ամյա Լիդա Վ.-ի վարած Mercedes S500 մակնիշի ավտոմեքենաները։
Նշվում է, որ վթարի հետևանքով Լիդա Վ․-ի ուղևորներ՝ 8-ամյա Մինաս Հ․-ն, 3-ամյա Մարիաննա Հ․-ն, 5-ամյա Միլենա Հ․-ն և 7-ամյա Միհրան Հ․-ն մարմնական վնասվածքներով տեղափոխվել են «Արտաշատ» բժշկական կենտրոն։
Վթարի փաստով՝ Հայաստանի քննչական կոմիտեի Արարատի մարզային քննչական վարչությունում նախաձեռնվել է վարույթ։
