ԼՈՒՍԱՆԿԱՐՆԵՐ․ Բախվել են «Infiniti» և «VAZ» մակնիշների ավտոմեքենաները․ կա 4 տուժած
Այսօր է հունիսի 13-ին, ժամը 08։19-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բուժական-Արագյուղ ավտոճանապարհին տեղի է ունեցել ՃՏՊ․ կա չորս տուժած։
Պարզվել է, որ Արագյուղ-Բուժական ավտոճանապարհի 1-ին կմ-ին բախվել են «Infiniti» (վարորդ՝ Գ․ Ե․) և «VAZ» (վարորդ՝ Հ․ Մ․, ծնված 2001 թ․) մակնիշների ավտոմեքենաները․ վերջինս կողաշրջվել է:
Մինչ փրկարարների կանչի վայր հասնելը՝ Հ․ Մ․-ն, ուղևորներ՝ Գ․ Ն․-ն, Ա․ Ա․-ն և Ա․ Վ․-ն հոսպիտալացվել են։
Փրկարարները փակել են «VAZ» մակնիշի ավտոմեքենայի գազի բալոնի փականը և հոսանքազրկել «Infiniti» մակնիշի ավտոմեքենան:
