Ծանրորդներն այլևս չեն կարողանա բեմ բարձրանալ իրենց երկրի դրոշով
Ծանրորդներն այլևս չեն կարողանա բեմ բարձրանալ իրենց երկրի դրոշով: Տեղեկությունը Ասիայի առաջնության նախօրեին հայտնել է Ծանրամարտի միջազգային ֆեդերացիան: Ֆեդերացիայի նախագահ Մուհամեդ Ջալուդն նշել է, որ նման որոշման հանգել են անցյալ ամիս Երևանում Եվրոպայի առաջնության բացման արարողության ժամանակ դրոշի այրման միջադեպից հետո:
«Մենք սպորտ ենք, մենք ներկայացնում ենք խաղաղություն, ոչ թե կռիվ ու վեճ այն մասին, թե ով է լավագույնը»,- ասել է Ջալուդը:
Ըստ այդ որոշման, այսուհետ դրոշները կերևան մեդալների հանձնման արարողության ժամանակ, բայց որպես պատկերներ էկրանի վրա, և ոչ մարզիկների ձեռքում:
