Դոնեցկի վարչակազմի շենքը գնդակոծվել է․ Դմիտրի Շևչենկոն
Դոնեցկի Ժողովրդական Հանրապետության Յասինովատայայի քաղաքապետ Դմիտրի Շևչենկոն հայտարարել է Ուկրաինայի զինված ուժերի կողմից քաղաքային վարչակազմի շենքը գնդակոծելու մասին։ Այս մասին տեղեկացնում են ռուսական լրատցվամիջոցները։
«Վարչակազմի շենքի մոտ 155 տրամաչափի արկ է պայթել։ Ապակի է կոտրվել, շենքի ճակատը կտրվել է»,- իր տելեգրամյան ալիքում ասել է Շևչենկոն։ Նա հավելել է, որ վնասվել է նաև իր աշխատասենյակը։ Ավելի վաղ Դոնեցկի Ժողովրդական Հանրապետության ներկայացուցչությունը Ուկրաինայի պատերազմական հանցագործությունների հետ կապված հարցերի վերահսկման և համակարգման միացյալ կենտրոնում (JCCC) հայտնել էր, որ Ուկրաինայի զինված ուժերը օրվա ընթացքում 33 անգամ գնդակոծել են հանրապետության տարածքը։
Հանրապետության բնակավայրերի ուղղությամբ արձակվել է 174 միավոր տարբեր տրամաչափի արկ, այդ թվում՝ 155 միլիմետրանոց, որոնք օգտագործում են ՆԱՏՕ-ի երկրների հրետանավորները։
Կրակի տակ են հայտնվել ութ բնակավայրեր, այդ թվում՝ Գորլովկան, Մակեևկան և Յասինովատայան։ Մինչ այս Պուշիլինը հայտարարել էր, որ ուկրաինական զորքերը պետք է տեղափոխվեն այնպիսի հեռավորության վրա, որ չկարողանան գնդակոծել Դոնեցկի Ժողովրդական Հանրապետության տարածքը։
