Հրթիռային հարձակում Իրաքում թուրքական ռազմաբազայի վրա

Իրաքյան Shafaq News լրատվական պորտալի փոխանցմամբ՝ թուրքական Զլիկան ռազմաբազան, որը գտնվում է հյուսիսային Իրաքի Նինևա նահանգում, չորեքշաբթի օրը հրթիռակոծության է ենթարկվել։ 

Տեղեկությունների համաձայն՝ առավոտյան բազայի ուղղությամբ արձակվել է մոտ ութ հրթիռ։

Իրաքյան Քրդստանի ահաբեկչության դեմ պայքարի վարչությունից հայտնել են, որ երկու հրթիռ ընկել է բազայի տարածքում, մնացածը՝ դրանից դուրս։

Գնդակոծության հետևանքով զոհեր և վիրավորներ չկան։ Հնարավոր վնասների մասին տեղեկություն չի հաղորդվում: