Կարևոր զարգացում բրյուսելյան հանդիպումից հետո. ԵՄ հատուկ ներկայացուցիչը՝ Միրզոյանի և Բայրամովի հեռախոսազրույցի մասին
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը թվիթերյան իր էջում անդրադարձել է ՀՀ ԱԳՆ ղեկավար Արարատ Միրզոյանի և Ադրբեջանի արտգործնախարար Ջեյհուն Բայրամովի՝ Բրյուսելում կայացած հանդիպմանը:
«Կարևոր զարգացում անցած շաբաթ Բրյուսելում կայացած հանդիպումից հետո. ԵՄ-ը ուղիղ կապերի և փոխգործակցության կողմնակից է»,- գրել է Կլաարը՝ անդրադառնալով Միրզոյանի և Բայրամովի այսօր կայացած հեռախոսազրույցին:
Հիշեցնենք, որ այսօր ավելի վաղ ՀՀ ԱԳՆ-ն տեղեկացրել է, որ ապրիլի 11-ին Հայաստանի ԱԳ նախարար Արարատ Միրզոյանը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ:
«Նախարարները մտքեր են փոխանակել սահմանազատման ու սահմանային անվտանգության հանձնաժողովի ձևավորման, խաղաղ բանակցությունների նախապատրաստման և հումանիտար խնդիրների վերաբերյալ»,- նշվում է հաղորդագրությունում։
