Հայաստանը ռուսական գազի դիմաց վճարումները կատարում է ռուբլով. Քերոբյանը՝ РБК-ին
Հայաստանը ռուսական գազի դիմաց վճարումները կատարում է ռուբլով: Այս մասին РБК-ին հայտնել է էկոնոմիկայի նախարար Վահան Քերոբյանը։
«Մենք պետք է շարժվենք դեպի ազգային արժույթներ: Ռուսական կողմից այս ուղղությամբ առաջընթաց կա: .. Որքան գիտեմ՝ վերջին մի քանի վճարումները կատարվել են ռուբլով, բայց համապատասխան փոխարժեքով»,- ասել է Քերոբյանը РБК-ին տված հարցազրույցում:
Իր հերթին, «Գազպրոմի» պաշտոնական ներկայացուցիչ Սերգեյ Կուպրիյանովը լրատվամիջոցին հաստատել է, որ ռուսական էներգետիկ ընկերության՝ Հայաստանին գազի մատակարարման մի քանի տարվա պայմանագիրը թույլ է տալիս գազի դիմաց վճարել ռուբլով:
«Այս հնարավորությունն օգտագործվում է»,- ասել է նա:
