ԵՄ-ը նախկինում երբեք չի գործել որպես ռազմական կազմակերպություն. Լավրով

Ուկրաինայի շուրջ ստեղծված իրավիճակի բացառապես ռազմական լուծման մասին Բորելի հայտարարությունները զգալիորեն փոխում են խաղի կանոնները։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ТАСС-ը:

Նա նշել է, թե Արևմուտքը Կիևին վերածում է ցատկահարթակի՝ Ռուսաստանին վերջնականապես ճնշելու համար: Իր խոսքով՝ այդ մասին է վկայում Եվրոպական դիվանագիտության ղեկավար Ժոզեպ Բորելի «արտասովոր» հայտարարությունը՝ Ուկրաինայի իրավիճակի բացառապես ռազմական լուծման վերաբերյալ:

«ԵՄ-ը նախկինում երբեք չի գործել որպես ռազմական կազմակերպություն»,- ասել է նա:

Հիշեցնենք, որ Բորելն ավելի վաղ նշել էր, թե «պատերազմները հաղթում կամ պարտվում են մարտի դաշտում»։