Արգենտինացի հարձակվող Սերխիո Ագուերոն, ով դեկտեմբերի 15-ին սրտի խնդիրների պատճառով հայտարարեց պրոֆեսիոնալ կարիերան ավարտելու մասին, հրաժարվել է իր 2 տարվա պայմանագրային աշխատավարձի մեծ մասից։ Այս մասին հայտնում է Sport.es-ը։ 

Ագուերոյի պայմանագիրը նախատեսված էր մինչև 2023 թվականի հունիսը։ Սրտի հետ կապված խնդիրների մասին իմանալուց հետո նա ակումբից վճարումներ չի պահանջել 2022/23 մրցաշրջանի համար։ 

Նա նաև համաձայնել է աշխատավարձի կեսը ստանալ 2021/22 մրցաշրջանի մնացած հատվածի համար։ 

Հարձակվողը տեղյակ է ակումբի ֆինանսական ծանր վիճակին, և իր որոշումը թույլ կտա «Բարսելոնային» գրանցել Դանի Ալվեշին Լա Լիգայում, որպեսզի բրազիլացին կարողանա մասնակցել հունվարի 2-ին «Մալյորկայի» դեմ խաղին: