Փեզեշքիանը հերքել է հրաժարականի մասին լուրերը

Իրանի նախագահ Մասուդ Փեզեշքիանը պետական հեռուստատեսության եթերում հերքել է վերջին օրերին տարածված տեղեկությունները, թե պատրաստվում է հրաժարական տալ։

Նա հայտարարել է, որ չի պատրաստվում լքել նախագահի պաշտոնը և շարունակելու է կատարել իր պարտականությունները։

«Եթե հրաժարական տալու որոշում կայացնեմ, դրա մասին պաշտոնապես կհայտարարեմ։ Ես չեմ պատրաստվում հրաժարական տալ և մտադիր եմ շարունակել կատարել ինձ վերապահված պարտականությունները»,- ասել է Փեզեշքիանը։

Իրանի նախագահը նաև նշել է, որ որոշ շրջանակներ, արտահայտելով երկրի գերագույն առաջնորդի քաղաքական գծից տարբերվող դիրքորոշումներ, փորձում են պառակտում առաջացնել երկրի ներսում։

Փեզեշքիանը հավելել է, որ կառավարությունն իր գործունեությունն իրականացնում է Իրանի զինված ուժերի և ռազմական կառույցների հետ լիարժեք համագործակցությամբ։