Կաշառքի գործով 4 ձերբակալված․ ներգրավված են Էկոպարեկային ծառայության պաշտոնատար անձինք

Ավելի վաղ Factor TV-ն հայտնել էր, որ  Հակակոռուպցիոն կոմիտեն մտել է Էկոպարեկային ծառայություն և ձերբակալել Սևանի տեղամասի պետ Պողոս Մարտիրոսյանին, հերթափոխի ավագ Արտուշ Համբարձումյանին, ՆԳՆ պարեկային ծառայության ջրային պարեկների վաշտի հրամանատար Դավիթ Գալոյանին։ 

Auroranews.am-ը կապ հաստատեց Հակակոռուպցիոն կոմիտեի հետ՝ դեպքի հետ կապված մանրամասներ ճշտելու համար։ Գերատեսչությունից մեզ հայտնեցին․ 

«Ի պատասխան՝ հաստատում ենք, որ ՀՀ շրջակա միջավայրի նախարարության էկոպարեկային ծառայության պաշտոնատար անձանց կողմից կաշառք ստանալու և վերջիններիս կաշառք տալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում ձերբակալվել է 4 անձ: Նախաքննության շահերից ելնելով՝ այլ մանրամասներ չենք կարող հայտնել»,- հայտնում են գերատեսչությունից։