13:00 Լուրերը մեկ տողով. Էկոպարեկային և պարեկային ծառայությունների պաշտոնյաներ են ձերբակալվել. Աժ-ում Մարտի 1-ի շուրջ քննարկումներ

Անցած ժամվա լուրերը՝ հակիրճ և բովանդակային.

•Էկոպարեկային և պարեկային ծառայությունների պաշտոնյաներ են ձերբակալվել Սևանում ապօրինի ձկնորսություն կազմակերպելու և կաշառք ստանալու կասկածանքով:

•Խորհրդարանում քննարկվել են Մարտի 1-ի իրադարձությունները և դրանցում ներկայիս ղեկավարության ունեցած դերակատարումը:

•Դատարանը վարույթ է ընդունել վարչապետի դեմ ներկայացված զրպարտության հայցը:

•ԿԳՄՍ նախարարի խորհրդականը հրաժարականի դիմում է ներկայացրել՝ նշելով համակարգային խնդիրների մասին:

•Հայաստանում վեց ամիս ժամկետով արգելվել է տոմատի մածուկի ներմուծումը՝ տեղական արտադրողներին աջակցելու նպատակով:

•Պաշտպանության նախարարությունում քննարկվել է ՀՀ զինված ուժերի նոր համազգեստի ներդրման և զորային փորձարկման ընթացքը:

•Բաքվի դիվանագիտական ճնշման հետևանքով Իսրայելի Քնեսեթի օրակարգից հանվել է Հայոց ցեղասպանության ճանաչման հարցը:

•Հայաստան-Նախիջևան սահմանային գոտում 3.0 մագնիտուդով երկրաշարժ է գրանցվել, որը զգացվել է Սյունիքի մարզի մի շարք բնակավայրերում: