ՏԵՍԱՆՅՈՒԹ. Ինքնապաշտպանվում էին. ձեզնից չէ, ձեր հորից էին պաշտպանվում. Ռուբեն Ռուբինյանը՝ Լևոն Քոչարյանին

ԱԺ նախագահ Ռուբեն Ռուբինյանը խորհրդարանում պատասխանել է «Հայաստան» խմբակցության պատգամավոր Լևոն Քոչարյանի ելույթին՝ անդրադառնալով 2008 թվականի Մարտի 1-ի իրադարձություններին։ 

Ռուբինյանի խոսքով՝ 2008 թվականի մարտի 1-ի առավոտյան Ազատության հրապարակում հավաքված մարդկանց նկատմամբ ուժ է կիրառվել, երբ նրանք, իր պնդմամբ, որևէ բռնի գործողություն չէին իրականացրել։

«Հետո դնում եք ձայնագրություն, որտեղ Նիկոլ Փաշինյանն ասում է՝ իրեր վերցրեք, պաշտպանվեք։ Իհարկե պետք է իրեր վերցնեին, որ պաշտպանվեին, որովհետև դրանից մի քանի ժամ առաջ հատուկ ջոկատայինները հարձակվել էին մարդկանց վրա։ Ինքնապաշտպանվում էին։ Ձեզնից չէ, ձեր հորից էին պաշտպանվում»,– ասել է Ռուբինյանը։

Նա նաև հայտարարել է, որ Նիկոլ Փաշինյանի նկատմամբ 2008 թվականին հարուցված քրեական հետապնդումն ապօրինի է եղել՝ հիշեցնելով, որ Մարդու իրավունքների եվրոպական դատարանի վճռով Մարտի 1-ի 10 զոհերի համար պատասխանատվությունը վերագրվել է պետությանը, որն այդ ժամանակ ղեկավարում էր Ռոբերտ Քոչարյանը։