ՏԵՍԱՆՅՈՒԹ.Իսկ ձեր ամուսինը ո՞նց է. Գարիկ Սարգսյանի կոշտ պատասխանը Աննա Գրիգորյանին

«Քաղաքացիական պայմանագիր» խմբակցության պատգամավոր Գարիկ Սարգսյանը, շարունակելով ընդդիմադիր պատգամավոր Աննա Գրիգորյանին ուղղված իր ելույթը, հարցրել է նրա ամուսնու վերաբերյալ։

«Իսկ ձեր ամուսինը ո՞նց է»,- շարունակելով ընդդիմադիր պատգամավոր Աննա Գրիգորյանին ուղղված ելույթը՝ ասաց ՔՊ-ական Գարիկ Սարգսյանը: 

«Ճի՞շտ ա, որ ձեր ամուսինը իր Ռենջ Ռովերի գույքահարկը չվճարելու համար իրեն կեղծ սնանկության է տարել, որպեսզի խուսափի մեր համայնքներից մեկին խոշոր գույքահարկ վճարելուց ու ԴԱՀԿ-ով այդ մեքենեն եղել է հետախուզման մեջ. դա բոլոր կապանցիները գիտեն: Իսկ ճի՞շտ է, որ ձեր ու ձեր հոր՝ ՇՄՆ-ում աշխատած տարիներին դուք ոռոգման ջրագծի վրա ՀԷԿ կառուցելու թույլտվություն եք ստացել ու գրեթե պատրաստ է եղել շահագործելու, բայց եկել է նոր իշխանությունը և թույլ չի տվել, որ այն աշխատի: Ճի՞շտ է, որ Հուշարձանների պահպանության ՊՈԱԿ-ից կոպեկներով խոշոր գույք եք վարձակալել ու դարձրել սգո սրահ»,- հայտարարեց Սարգսյանը: 

Հիշեցնենք՝ նախօրեին Աննա Գրիգորյանը հետաքրքրվել էր՝ «Սարգսյանը տենդերներով նորմալ ապահովո՞ւմ է քեռուն, թե՞ ոչ»: