Ուկրաինայում բնակվող բռնցքամարտիկ Արամ Ֆանիյանը նվաճել է IBO միջազգային չեմպիոնի տիտղոսը՝ տիրանալով երկրորդ չեմպիոնական գոտուն, հաղորդում է AnalitikaUA.net-ը։ 

«Առաջին կիսամիջին քաշային կարգում WBO Oriental գոտուն տիրապետող Արամ Ֆանիյանը (22-1, 4 նոկաուտ) հաղթեց Գերմանիայում կայացած բռնցքամարտի երեկոյում։ 

Նա հաղթեց գերմանացի Թիմո Շվարցկոպֆին (20-5, 12 նոկաուտ) մրցավարների միաձայն որոշմամբ ՝ 95-93, 96-93, 97-92 ։ 

Ֆանիյանի մրցակիցը նոկդաունում էր 2-րդ ռաունդում, ուկրաինաբնակ հայը՝ 8-րդ ռաունդում: 

Մենամարտն անցկացվել է IBO վարկածով միջազգային չեմպիոնի թափուր տիտղոսի համար։  Ֆանիյանի համար սա առաջին արտագնա մենամարտն էր», - հայտնում է կայքը՝ հիշեցնելով, որ Ֆանիյանն իր նախորդ մենամարտն անցկացրել է Լվովում, որտեղ հաջողությամբ պաշտպանել է տիտղոսը ուզբեկ Մուհամեդսալիմ Սոտվոլդիևի դեմ մենամարտում: