Բախվել են Lexus-ն ու խոտով բարձված ГАЗ 52-ը. վերջինը կողաշրջվել է․ կա վիրավոր
Երեկ, հուլիսի 19-ին, խոշոր ավտովթար է տեղի ունեցել Շիրակի մարզում։ Ժամը 22։40-ի սահմաններում Երևան-Գյումրի ավտոճանապարհի 118 կմ-ում բախվել են Ազատան գյուղի բնակիչներ՝ 64-ամյա Գուրգեն Մկրտչյանի վարած ГАЗ 52 մակնիշի և 31-ամյա Հարություն Խնձրցյանի վարած Lexus GX 470 մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, բախման հետևանքով ГАЗ 52-ը, որը բարձված է եղել խոտով, կողաշրջվել է։ Վթարի հետևանքով Գ․ Մկրտչյանի ուղևոր՝ Ազատան գյուղի բնակիչ 63-ամյա Սանասար Մազմանյանը մարմնական վնասվածքներով տեղափոխվել է Գյումրու բժշկական կենտրոն։
