Դանակահարված տղամարդը հիվանդանոցում ժամեր անց մահացել է

Հուլիսի 15-ին, ժամը 00.15-ին, «Արմենիա» բժշկական կենտրոնից ոստիկանության Մաշտոցի բաժին հաղորդում է ստացվել, որ «կրծքավանդակի մասում դանակահարված» ախտորոշմամբ իրենց մոտ բուժօգնության է տեղափոխվել մոտ 32 տարեկան մի տղամարդ:

ՀՀ ոստիկանության տեղեկատվության եւ հասարակայնության հետ կապերի վարչության փոխանցմամբ, հիվանդանոց մեկնած ոստիկանության օպերատիվ խումբը պարզեց տղամարդու ինքնությունը: Նա, ըստ բժշկի տեղեկանքի, ի վիճակի չի եղել բացատրություն տալու:
Ժամը 05.15-ին տղամարդը վերակենդանացման բաժանմունքում, գիտակցության չգալով, մահացել է:

Նշանակվել են փորձաքննություններ:

Ձեռնարկվում են միջոցառումներ և կատարվածի հանգամանքները պարզելու ուղղությամբ:
ՀՀ քրեական օրենսգրքի 112-րդ հոդվածի 2-րդ մասի 14-րդ կետով հարուցվել է քրեական գործ:

Կատարվում է նախաքննություն: