Խոշոր ավտովթար է տեղի ունեցել Կոտայքի մարզում։ Երեկ՝ մարտի 30-ին ժամը 17։50-ի սահմաններում Կոտայքի մարզի Նոր Գեղի գյուղի բնակիչ՝ 26-ամյա Երվանդ Մկրտչյանը իր վարած BMW մակնիշի 6172 HM տրանզիտ համարանիշի ավտոմեքենայով Աբովյան-Նոր Հաճն ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց և կողաշրջվելով հայտնվել դաշտում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Ե. Մկրտչյանը մարմնական վնասվածքներով տեղափոխվել է «Աբովյան» բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ ավագ հետաքննիչ Վահե Հարությունյանի գլխավորությամբ, ում կողմից փաստի առթիվ նյութեր են նախապատրաստվում։