Արտակարգ դեպք Երևանում. տղամարդը Կասկադում մտել է կանանց սանհանգույց և ի ցույց դրել սեռական օրգանը
Ոստիկանության կենտրոնական բաժնի հետաքննչական բաժանմունքում նյութեր են նախապատրաստվում մարտի 29-ին Երևանում տեղի ունեցած արտակարգ դեպքի փաստով։ Ժամը 16։30-ին ոստիկանության կենտրոնական բաժին է ահազանգել Հարություն Մանուկյանը և հայտնել, որ Թումանյան 10 հասցեում գործող «Կասկադ» համալիրում մի քաղաքացի մտել է կանանց սանհանգույց, որտեղ բացահայտ անհարգալից վերաբերմունք է ցուցաբերել հասարակության նկատմամբ՝ ի ցույց դնելով սեռական օրգանը, և զբաղվել անհարմար գործողություններով։Այս մասին տեղեկանում ենք SHAMSHYAN. com-ից:
Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել ոստիկանության կենտրոնական բաժնի օպերատիվ խումբը՝ համայնքային ոստիկանության տեսուչի գլխավորությամբ, ու մինչ կժամանեին ոստիկանները, ոստիկանության Երևան քաղաքի վարչության ՊՊԾ գնդի 1-ին գումարտակի 2-րդ վաշտի ծառայողները կանանց զուգարանից ոստիկանության կենտրոնական բաժին են բերման ենթարկել այդ քաղաքացուն։ Պարզվել է, որ նա Կոտայքի մարզի բնակիչ՝ 36-ամյա Ռաֆիկ Մկրտչյանն է, ով որոշ ժամանակ անց բաց է թողնվել։ Գ. Շամշյանի տեղեկություններով՝ Հ. Մանուկյանն աշխատում է «Արմոբիլ» ՓԲԸ-ում՝ որպես անվտանգության պետ։
