ԻՀՊԿ-ն ԱՄՆ-ին պայման է ներկայացրել Հորմուզի նեղուցի հարցով

Իսլամական հեղափոխության պահապանների կորպուսը հայտարարել է, որ Հորմուզի նեղուցով նավարկությունը կարող է վերսկսվել միայն ԱՄՆ-ի կողմից իրենց պահանջների ընդունման դեպքում։

«Հորմուզի նեղուցը գտնվում է մեր վերահսկողության տակ: Պարսից ծոցում հակառակորդի և ոչ մի ռազմական նավ չկա: Թշնամու բոլոր ռազմական նավերը նահանջել են նեղուցից առնվազն 400 կմ հեռավորության վրա: Մոտ մեկ ամիս առաջ մենք բանակցությունների մեջ մտանք Օմանի հետ և համաձայնության եկանք նեղուցի ջրերում յուրաքանչյուր երկրի բաժնեմասի և ստացվող եկամուտների վերաբերյալ: 

Եթե Ամերիկան մի կողմ դնի իր խոչընդոտները և վերադառնա փոխըմբռնման հուշագրին, մենք կկարողանանք վերսկսել նավարկությունը նեղուցով ձեռք բերված համաձայնությունների շրջանակներում: Մեր պայմանները պետք է ընդունվեն: Եթե Ամերիկան չընդունի մեր պայմանները, Հորմուզի նեղուցը բացարձակապես հաստատ չի բացվի», — ասվում է Իսլամական հեղափոխության պահապանների կորպուսի (ԻՀՊԿ) հայտարարության մեջ: