Նոր տվյալներ` գնաճի վերաբերյալ

Հայաստանի Հանրապետության սպառողական շուկայում 12-ամսյա գնաճը կազմել է 4.5 %:  Այս մասին հայտնում է ՀՀ վիճակագրական կոմիտեն։ 

2026 թվականի առաջին եռամսյակում սպառողական գների ինդեքսը 4․2 տոկոսով բարձր է եղել նախորդ տարվա հունվար-մարտ ամիսների ցուցանիշից։ 

Սննդամթերքի և ոչ ոգելից խմիչքի գներն այս տարվա առաջին երեք ամիսներին 6․8 տոկոսով բարձր են եղել նախորդ տարվա նույն ժամանակահատվածի ցուցանիշից։ Մարտին՝ փետրվարի համեմատ գներն աճել են 1․8, նախորդ տարվա նույն ամսվա համեմատ՝ 7․8, իսկ 2025-ի դեկտեմբերի համեմատ՝ 7․2 տոկոսով։

Բնակարանային ծառայությունների, ջրի, էլեկտրաէներգիայի, գազի և վառելիքի այլ տեսակների գներն այս տարվա առաջին երեք ամիսներին 0․1 տոկոսով բարձր են եղել նախորդ տարվա նույն ժամանակահատվածի ցուցանիշից։ Մարտին՝ փետրվարի համեմատ նվազել են 0․7, նախորդ տարվա նույն ամսվա համեմատ՝ 0․3, իսկ 2025-ի դեկտեմբերի համեմատ՝ 0․1 տոկոսով։ 

Առողջապահության ոլորտում գներն այս տարվա առաջին երեք ամիսներին 4 տոկոսով բարձր են եղել նախորդ տարվա նույն ժամանակահատվածի ցուցանիշից։ Մարտին՝ փետրվարի համեմատ աճել են 0․5, նախորդ տարվա նույն ամսվա համեմատ՝ 4․5, իսկ 2025-ի դեկտեմբերի համեմատ՝ 3․1 տոկոսով։