Նավթի գնաճը կշարունակվի

Նավթի գները կարող են հասնել մեկ բարելի համար 200 դոլարի, եթե Իրանի շուրջ հակամարտությունը շարունակվի մինչև հունիս, և Հորմուզի նեղուցը փակ մնա։ Այս մասին տեղեկանում ենք Bloomberg գործակալությունից, որն իր հերթին հղում է արել Macquarie Group-ի վերլուծաբաններին։

Ըստ աղբյուրի՝ նման սցենարի հավանականությունը գնահատվում է 40 տոկոս։ Միևնույն ժամանակ մոտ 60 տոկոս հավանականություն կա, որ հակամարտությունը մինչև մարտ կավարտվի։ Վերլուծաբանների կարծիքով՝ նեղուցի երկարատև փակման դեպքում նավթի գները պետք է զգալիորեն աճեն՝ համաշխարհային պահանջարկի պատմականորեն բարձր մակարդակը նվազեցնելու համար։

Հորմուզի նեղուցի փակումը արդեն իսկ հանգեցրել է նավթի և նավթամթերքների գների կտրուկ աճի: Սովորաբար նեղուցով ամսական անցնում է մոտ 3000 նավ՝ օրական տեղափոխելով մոտ 15 միլիոն բարել նավթ և 5 միլիոն բարել նավթամթերք։