ԱՄՆ-ն թույլատրել է ռուսական նավթի վաճառքը

ԱՄՆ-ը լիցենզիա է տրամադրել, որը թույլ է տալիս Ռուսաստանին մատակարարել և վաճառել հում նավթ և նավթամթերք, որոնք բեռնված են եղել նավերի վրա մինչև մարտի 12-ը։ Այս մասին ասվում է ԱՄՆ ֆինանսների նախարարության Օտարերկրյա ակտիվների վերահսկման վարչության հաղորդագրությունում։

ՌԴ նախագահի հատուկ ներկայացուցիչ Կիրիլ Դմիտրիևը մարտի 12-ին հայտարարել է, որ բազմաթիվ երկրներ, այդ թվում՝ ԱՄՆ-ը, սկսում են ավելի լավ հասկանալ Ռուսաստանի նավթի և գազի կարևոր դերակատարությունը։ Նրա խոսքով՝ ռուսական էներգակիրները համակարգաստեղծ նշանակություն ունեն համաշխարհային տնտեսության կայունության ապահովման համար, և շատ պետություններ սկսել են հասկանալ նաև Ռուսաստանի դեմ կիրառված պատժամիջոցների անարդյունավետությունը։

Ռուսաստանին նավթի վաճառքի նոր ամերիկյան լիցենզիան ուժի մեջ է մինչև ապրիլի 12-ը։