Նավթի գինը գերազանցել է 100 դոլարը

Նավթի համաշխարհային գները 2022 թվականից ի վեր առաջին անգամ անցել են մեկ բարելի համար 100 դոլարի սահմանը։ Դա տեղի է ունեցել ԱՄՆ-Իսրայել-Իրան հակամարտության սրման և Հորմուզի նեղուցով մատակարարումների երկարատև խափանման վերաբերյալ մտահոգությունների ֆոնին։

Հանգստյան օրերին ԱՄՆ-ն և Իսրայելը Իրանի տարածքում նոր ավիահարվածներ են իրականացրել՝ խոցելով մի շարք օբյեկտներ, այդ թվում նաև նավթապահեստներ։

Էներգակիրների մատակարարումների հնարավոր լուրջ խափանումները կարող են հանգեցնել գների բարձրացման ամբողջ աշխարհի սպառողների և բիզնեսի համար։

Երկուշաբթի առավոտյան Ասիայում Brent տեսակի նավթը թանկացել է մոտ 15,5%-ով՝ հասնելով մեկ բարելի համար 107,16 դոլարի, իսկ ԱՄՆ-ի Nymex Light Sweet նավթի գինը աճել է ավելի քան 17%-ով՝ կազմելով 106,77 դոլար։

Շուկայի բազմաթիվ մասնակիցներ կանխատեսում էին, որ այս շաբաթ նավթի գինը կհասնի 100 դոլարի սահմանին։

Գնի 10%-անոց աճը գրանցվել է ընդամենը մոտ մեկ րոպեի ընթացքում, իսկ հաջորդ 15 րոպեների ընթացքում Ասիայում գինը բարձրացել է ևս 10%-ով։

Անցյալ շաբաթ շուկաները համեմատաբար հանգիստ էին, թեև Պարսից ծոցում միլիոնավոր բարել նավթ և հեղուկ բնական գազ փաստացի արգելափակված էին Հորմուզի նեղուցով անցման խնդիրների պատճառով։