Իրանում չեն բացառել ԱՄՆ-ի հետ համագործակցությունը նավթագազային ոլորտում

Իրանի նավթի նախարարը հայտարարել է, որ Միացյալ Նահանգների հետ համագործակցությունը նավթագազային ոլորտում հնարավոր է՝ այն պայմաններում, երբ երկու երկրները շարունակում են միջուկային բանակցությունները։

«Ամեն ինչ հնարավոր է»,- ասել է նախարարը։

Ավելի վաղ Իրանի արտաքին գործերի նախարարի տնտեսական դիվանագիտության հարցերով տեղակալ Համիդ Կաբարին հայտնել էր, որ ԱՄՆ-ի հետ բանակցությունների օրակարգում ներառված են նավթագազային ոլորտում փոխադարձ շահերը, հանքավայրերի համատեղ շահագործումը, լեռնահանքային արդյունաբերության մեջ ներդրումները և նույնիսկ ինքնաթիռների ձեռքբերումը։