ԵՄ-ն քննարկում է ռուսական պողպատի մատակարարումների լիակատար արգելքը
Եվրամիությունում քննարկվում է Ռուսաստանի պողպատի մատակարարումների ամբողջական արգելքի հնարավորությունը՝ Ուկրաինայի դեմ պատերազմի ֆինանսավորումը սահմանափակելու նպատակով։
Politico-ի փոխանցմամբ՝ Եվրամիությունը դիտարկում է ռուսական պողպատի մատակարարումների լիակատար արգելք սահմանելու տարբերակը։ Համապատասխան փոփոխությունները ներկայացվել են օրենսդրական նախաձեռնության շրջանակում և, ինչպես նշել է շվեդ պատգամավոր Կարինա Կարլսբրոն, ուղղված են Ռուսաստանի նախագահի՝ Վլադիմիր Պուտինի ռազմական բյուջեի կրճատմանը։
Նյութում նշվում է, որ նախաձեռնությունը հայտնվել է այն պայմաններում, երբ 2025 թվականին արձանագրվել է ռուսական պողպատի ներմուծման աճ, իսկ գործող պաշտպանական միջոցների ժամկետը մոտենում է ավարտին։
