Ռուսական գազը կմատակարարվի Իրան
Իրանում պատրաստվում են Ռուսաստանի հետ գազի մատակարարման վերաբերյալ պայմանագրի ստորագրմանը։ Այս մասին հայտարարել է Մոսկվայում Իրանի դեսպան Քազեմ Ջալալին։
Նրա խոսքով՝ իրանական կողմը որևէ խոչընդոտ չի տեսնում նախագծի իրականացման հարցում։ Ջալալին նշել է, որ արդեն անցկացվել են բանակցություններ Ռուսաստանի բարձրաստիճան պաշտոնյաների հետ, և պայմանագրի ստորագրումից հետո հնարավոր կլինի անցնել ծրագրի գործնական փուլին։
Դեսպանը նաև հայտնել է, որ նախագծի տեխնիկական հարցերի լուծումը կարող է տևել շուրջ երկու-երեք տարի։ Նրա խոսքով՝ այդ փուլից հետո հնարավոր կլինի սկսել ռուսական գազի մատակարարումները Իսլամական Հանրապետություն։
